Li Roq Ruq'il li Awab'ejilal chirix li K'anjelak yoo xsik'b'aleb' li nakek'anjelak li maji' nakexk'ul xtojb'aleb' ut lix k'ajkamunkileb' chirix chik naq ak xe'ru xtawb'al $3.8 millones chi tumin rik'in laj eechal re li oob' (5) chi ninqi k'ay re kaxlan li

WEST COVINA, CA – Eb' li nakek'anjelak chaq sa' li oob' (5) chi ninqi k'ay re kaxlan aran La Puente ut City of Industry se' California naru' naketz'aqon sa' li $3.8 millones chi tumin re lix tojb'aleb' maji' xetoje' reheb' ut lix q’ajkamunkileb’  xb'aan li majewaak xexk'ul chaq, xtawman li tumin a'an sa' xk'ab'aheb' ut a'an Li Roq Ruq'il li Awab'ejil chirix li K’anjelak re li tenamit Estados Unidos li kipleetin  chaq rix choq reheb'.

Li opisiin chirix tojleb' ut li honal re li k'anjelak re li roq ruq'il li awab'ejilal yoo xsik'b'aleb' li poyanam li    xe'k'anjelak chaq sa' eb' li ninqi  k'ay a'in, li The Exclusive Poultry, li Meza Poultry, li Valtierra Poultry, li Sullon Poultry maraj li Nollus’s Poultry ut laj eechal re a'an li qawa' Tony Bran, ink'a xk'e chi tz'aqal ree ru lix tojb'aleb' laj k'anjel xe'k'anjelak rik'in. Eb' li poyanam li xe'k'anjelak chaq rik'ineb' li ninqi k'ay a'an chiru chaq li 1 xb'e li po Agosto re li chihab' 2020, ut toj sa' li 28 xb'e li po Septiembre re li chihab' 2023, tento' texb'oq li Opisiin re lix Teepal li tenamit West Covina sa' li ajl a'in (626) 732-1070 re rilb'al wi' wankeb' lix tojb'al maji' xexk'ul chaq ut wi' te'tz'aqonq rik'in xk'ulb'al xqajkamunkileb’  xb'aan li majewaak xexk'ul chaq.

Li xyalb’al q’e   re xtawb'aleb' chixjunileb' li xe'k'anjelak chaq aran, a'an taqlanb’il  xb'aan li xtaql  laj raqol aatin li kixk'ul li roq ruqil li awab'ejilal sa' li po noviembre re li chihab' 2023, li kik'ehok re li taql a'an li Raqleb'aal Aatin sa' li Tenamit Estados re lix Teepal li tenamit California re xyiib'ankil lix jitom li roq ruq'il li awab'ejilal sa' xb'een li qawa' Bran. Sa' li jitom a'an li roq ruq'il li awab'ejilal kixk'e sa' xb'een li qawa' Bran ut sa' xb'eeneb' lix ninqi k'ay naq kixmux  ru li chaq'rab' chirixeb' li kok'al nakek'anjelak, ink'a xk'e xtojb'aleb' li xe'k'anjelak rik'in jo' taqlanb'il xb'aan li chaq'rab' ut naq kipo' sa' xb'eeneb' laj k'anjel li xehokenk chaq sa' xtz'ilb'al rix  li majewaak naxb'aanu chaq reheb' ut kirisiiheb' chi k'anjel rik'in.

“Tento' tqayal qaq'e naq eb' laj k’anjeleb’  chaq rik'in li qawachin a'an texk'ul lix tojb'aleb' li maji' xetoje' chaq re ut lix q’ajkamunkileb’ li texk'ul xb'aan li majewaak xexk'ul chaq,” chahan laj Daniel Pasquil li Najolomin  re Li opisiin chirix tojleb' ut li honal re li k'anjelak sa' li tenamit West Covina, California. “Us ta naq li oposiin a'in ut li Molam re laj K'anjel li Nak'eehok Uuchil yookeb' chaq chalen xyalb'al xq'e re te'xteneb' sa' xb'een li q'etok xb'aanu li qawa' Tony Bran, li qak'anjel ink'a tz'aqalaq ree ru toj reetal naq eb' li poyanam xe'jot'e chaq sa' li k'anjelak texk'ul lix tumineb' li wank sa' xyanq li $3.8 millones li xooru' xmaq'b'al chiru' li qawachin li xq’etok   li chaq'rab'.”

Jun reheb' lix ninqi k'ay li qawa' Bran, a'an li The Exclusive Poultry, naxk'ayi chaq lix kaxlan reheb' laj kok' loq'onel ut reheb' laj ninqi yakonel jo' liALDI, li Grocery Outlet, li Nestle Purina, li SYSCO Corp., li Ralphs Grocery Company ut li Royal Canin U.S.A. Inc.

Taw xkomon li esilal chirix li Opisiin chirix Tojleb' ut li Honal re k'anjelak arin, jokan ajwi' li k'anjelob'aal re xsik'b'al  ree taawoksi' wi' nakak'a'uxla' naq toj wank aatojb'al sa' li tumin li kixmaq' li opisiin a'in chiru li qawachin li kiq'etok li chaq'rab'. Eb' li nakek'eehok k'anjel ut eb' li nakek'anjelak naru' nakexb'oq li opisiin chi ink'a nawb'ilaq ani nakeb'oqok wi wank lix patz'omeb', a’yaal  b'ar re xteepal li tenamit wankeb' chaq. Li opisiin a'in naru' na'aatinak rik'ineb' yalaaq  ani li nab'oqok ut sa' jarpaay ru aatinob'aal mare numenaq 200 chi aatinob'aal naru' naraatinaheb' wi' rik'in li ajl re b'oqok chi maajo’ nimal  taatoj naq tatbo'oqoq sa' li  866-4US-WAGE (487-9243). Kub'si lix ak'il aplicación re li opisiin arin Timesheet App choq reheb' li b'oqleb'aal ch'iich' iOS ut reheb' ajwi' li b'oqleb'aal ch'iich' Android – chi siib'il ut wank sa' li aatinob'aal Inglés ut Kaxlan aatin – re taawil jo’k’ihal  laahonal ak xtam sa' k'anjelak ut laatojb'al.